Diplómanám í myndlist fyrir nemendur með þroskahömlun

Á þessari nýju námsbraut er markmiðið að skapa vettvang fyrir einstaklinga með þroskahömlun til að vinna að listsköpun í hagstæðu og frjóu umhverfi, innan um þann fjölbreytta hóp nemenda sem stundar nám við Myndlistaskólann, á ýmsum sviðum sjónlista og á ýmsum aldri. Námið tekur 2 skólaár, 4 annir. Kenndar eru 14 kennsluvikur á hverri önn.

Þessari nýju námsleið er ætlað að auka enn við það gefandi samtal sem verður til milli einstaklinga sem allir vinna að listsköpun undir sama þaki. Í uppbyggingu námsbrautarinnar er tekið mið af námi Sjónlistadeildar.