Leirmótun og rennsla
Námskeiðið eru hugsað jafnt fyrir þá sem eru byrjendur í leirmótun sem og lengra komna. Eiginleikar efnisins kynntir og ýmsar aðferðir til mótunar kenndar ásamt rennslu á rennubekk. Rennsla mun vega um helming námskeiðsins. Unnið með fjölbreytt form, þau skoðuð og velt upp möguleikum á samsetningu og samspili, innhalds og skreytinga. Áhersla á að skoða jafnt eldri keramik og samtímahönnun, íslenska sem erlenda. Skoðuð er þróun í verkum ýmissa listamanna, frá kveikju til fullunnins listaverks. Í framhaldi eru nemendur hvattir til eigin listsköpunar. Áhersla er lögð á mikilvægi skissu- og hugmyndavinnu í allri listmótun og hönnun. Námslok miðast við 80% mætingu.
- Páskafrí 2.-9.april 2012.
Námsskrá: Keramik, Mótun. KM1. Undanfari: TG1-Teikning 1 (eða annað sambærilegt). Í kjölfar innleiðingar nýrra menntalaga stendur til að endurskoða áfangalýsingar. Áfangalýsing: Í áfanganum kynnast nemendur undirstöðuatriðum í meðferð leirs, grunnþáttum keramikmótunar og þeim efnum sem unnið er með í keramik. Kenndar eru helstu aðferðir við mótun leirs, plötuaðferð og slönguaðferð. Áhersla er lögð á mótun forma og að nemandi öðlist tilfinningu fyrir efninu og möguleikum þess. Kynntar eru margvíslegar skreytingaraðferðir með umfjöllun um keramik í listsögulegu samhengi. Fræðsla er um notkun áhalda og nemendur læra að beita því áhaldi sem við á hverju sinni. Nemendur vinna með steinleir og jarðleir auk þess sem þeir fræðast um önnur efni sem við koma faginu. Áfangamarkmið Nemandi - kynnist eiginleikum leirsins - þekki eiginleika leirsins í mismunandi þurrk ástandi - tileinki sér aðferðir við leirhnoðun - geti mótað bæði opið og lokað form - geti mótað bæði geometriskt og lífrænt form - hafi kynnst fjölbreytni leirs, glerunga og skreytinga í gegnum söguna. - nái valdi á skreytingaraðferðum og velji það skreyti sem hæfir hverju formi. Námsmat Skal byggt á markmiðum áfangans og ástundun almennt, mætingu og þáttöku nemenda í umræðum á önninni.
