Myndlistaskólinn í Reykjavík hlaut styrk úr Þróunarsjóði Menntaráðs Reykjavíkurborgar til að þróa verkefnið LISTBÚÐIR Í MYNDLISTASKÓLA; samstarf grunnskóla og listaskóla. Síðan þá hafa listbúðir verið starfræktar nokkrum sinnum m.a. með stuðningi frá Reykjavíkurborg.

• Línur - Landslag - Borgarskiplag haust 2008 og vor 2009
• Stærðfræðileg fegurð vor 2007
• Hús – hvalir – köngulær vor 2006
• Heimur dýranna - vor 2004

Listbúðir í myndlistaskóla var í upphafi tilraunaverkefni sem efnt var til fyrir hvatningu Fræðslumiðstöðvar Reykjavíkur í þeim tilgangi að efna til samstarfs milli Myndlistaskólans í Reykjavík og grunnskóla Reykjavíkurborgar. Sýnt hefur verið fram á með margvíslegum hætti, að listnám örvar hæfileika barna til náms og skapandi hugsunar. Gildi listnáms er margþætt og hefur m.a. verið sýnt fram á forvarnargildi slíks náms. Verkefnið miðar að því að fleiri börn á grunnskólaaldri eigi kost á að kynnast samstarfi við myndlistamenn og hönnuði, sem og vinnubrögðum og umhverfi myndlistaskóla. Slíkt samstarf styður við þá myndlistarkennslu sem fyrir er innan grunnskólans og gefur nemendum kost á að dýpka kynni sín af myndlist og skapandi vinnu. Samstarfið er vel til þess fallið að kynna skólastjórnendum og almennum kennurum grunnskólans þau vinnubrögð sem viðhöfð eru innan myndlistaskóla, þar sem allt umhverfi skólans hvetur til náms í gegnum skapandi starfsemi. Með verkefninu er einig efnt til samstarfs við fræða- og eða atvinnustofnanir sem starfa á sviði viðfangsefnisins hverju sinni. Fengnir eru fræðimenn og/eða fagmenn á viðkomandi sviði til að kynna börnunum sjónarhól fræða og/eða fags.

Listbúðir - listræn nálgun í námi er skýrsla sem Rósa Kristín Júlíusdóttir vann fyrir Myndlistaskólann í Reykjavík og Fossvogsskóla. 

• Listbúðir - listræn nálgun í námi. Skýrsla Rósu Kristínar Júlíusdóttur.