Myndlistar- og hönnunarsvið er ætlað nemendum sem stefna að framhaldsnámi í sjónlistum. Námið nýtist þeim sem hafa hug á að stunda framhaldsnám t.d. í myndlist, grafískri hönnun, vöruhönnun og arkitektúr.

Markmið námsins við Myndlistaskólann í Reykjavík er:

• Að gefa þeim nemendum sem uppfylla inntökuskilyrði kost á sem haldbestri grunnmenntun á sviði sjónlista og gera þá hæfari til að takast á við frekara nám.
• Að gera nemendur meðvitaðri um hvaða stefnu þeir taka í framhaldsnámi og á hvaða hátt þeir geta nýtt sér námið.
• Að efla undirbúningsmenntun á sviði sjónlista og styrkja þannig forsendur fyrir auknum áhuga og skilningi á mikilvægi menntunar í sjónrænum þáttum og þróun þeirrar menntunar í samfélagi og umhverfi samtímans.