Sumarnámskeið
Sumarnámskeið eru haldin í júní og ágúst. Unnið í margvísleg efni og notaðar fjölbreyttaraðferðir myndlistarmanna við rannsóknir og skráningu. Unnin eru tvívíðog þrívíð verkefni. Að minnsta kosti einn dag er farin vettvangsferð ogunnið úti. Viðfangsefni og útgangspunktar námskeiðanna eru fjölbreytileg frá ári til árs, einnig er val á milli mismunandi námskeiða.
Námskeiðin eru ýmist 5 eða 10 daga löng og eru nemendur annað hvort fyrir eða eftir hádegi. Kennt er í húsnæði skólans við Hringbraut 121 og í útibúi að Korpúlfsstöðum. Nemendum er skipt í hópa eftir aldri og eru 8 nemendur í aldurshópi 6–9 ára, 10 nemendur í aldurshópi 10–12 ára og 12 nemendur í aldurshópi 13-16 ára. Kennarar eru allir starfandi listamenn með mikla kennslureynslu.
- SKRÁNING á sumarnámskeið byrjar yfirleitt í kringum 10.maí.
- Námskeiðin eru oftast haldin 3 vikur í júní og 2 vikur í ágúst.
- í júlí er skólinn lokaður.
