Námsskrá: Teikning 2 TG2.3. Undanfari TG1.3. Í kjölfar innleiðingar nýrra menntalaga stendur til að endurskoða áfangalýsingar.ÁfangalýsingÍ þessum áfanga er gert ráð fyrir því að nemendur hafi tileinkað sér grunnatriði teikningar og þá þjálfun sem þarf í meðferð verkfæranna.Lögð er áhersla á fríhendisteikningu og unnið að því að nemandi læri að greina stærðarhlutföll, nái valdi á mælingu og geti yfirfært hana yfir á blaðið. Geri sér grein fyrir stefnum línunnar, staðsetningu hluta í rými og innbyrðis afstöðu, sé um uppstillingu fleiri hluta að ræða. Athygli er vakin á mikilvægi línunnar í teikningu, nemandi nái að nota línuna til túlkunar á fjarvídd, efni og áferð. Lögð er áhersla á að nemandi þjálfi sjónskyn sitt og næmni fyrir grátónum og æfist í að móta teiknaðan hlut með næmri skyggingu.Teiknaðir eru fjölbreyttar fyrirmyndir hluta og náttúruforma, þar sem form yfirborð, áferð og litbrigði krefjast nákvæmrar skoðunar og ólíkrar nálgunar Lögð áhersla á að nemandi nái að greina styrk sinn í teikningunni, þrói með sér persónuleg og sjálfstæð vinnubrögð. ÁfangamarkmiðNemandi- geti formgreint mismunandi form- geti teiknað fyrirmynd með hjálp hlutfallamælingar- geti teiknað hlut og staðsett á réttan máta í rými - geti nýtt sér línuna á blæbrigðarríkan hátt til túlkunar- geti með skyggingu dregið fram þrívídd hluta- sé fær um að meta verkefni sín og annarra- geti tekið þátt í umræðu um verkefni og rökstutt skoðanir sínar.NámsmatSkal byggt á markmiðum áfangans og ástundun almennt, mætingu og þáttöku nemenda í umræðum á önninni.