Námskeiðið er fyrir þá sem eiga erfitt með eða geta ekki notað hendur sínar til vinnu eða sköpunar. Megináhersla verður á litablöndun ljóss og efna. Á námskeiðinu verður áhersla lögð á tvívíða sköpun gegnum ólíkan efnivið og áhöld. Nemendur vinna út frá gefnum verkefnum en töluvert svigrúm er gefið til sjálfstæðra vinnubragða. Kennari verður Margrét H. Blöndal, myndlistarkona en hún hefur margháttaða reynslu af myndlistakennslu á öllum skólastigum og hefur t.d. kennt leikskólabörnum, nemendum í háskólanámi og sjónskertum börnum. Gert er ráð fyrir að nemendur mæti með aðstoðarmanni.

• Jólafrí / hlé milli haust- og vorannar: frá 16.desember 2011 til 15.janúar 2012.