Umsókn í diplómanám í keramik

Opið er fyrir umsóknir fyrir skólaárið 2017-18 til kl.17:00 mánudaginn 29. maí 2017.

Til að umsókn sé fullgild þarf:

  • Að skila rafrænni umsókn með andlitsmynd. Athugið að frágangur umsóknarinnar er metinn, því er nauðsynlegt að hún sé vel og skilmerkilega útfyllt.
  • Að greiða umsóknargjald (7.500 kr.)
  • Að heimila aðgang að námsferli umsækjanda í Innu (hakað við í umsókn) ef námsferill er vistaður þar. Ef námsferill umsækjanda er ekki skráður í Innu þarf að láta fylgja staðfest afrit af námsferli með umsókninni sem fylgiskjal/fylgiskjöl.
  • Að skila inn möppu og skissubók rafrænt á netfangið keramik@mir.is eða á skrifstofu skólans fyrir kl.17:00 mánudaginn 29. maí 2017.

Farið verður með umsókn og fylgigögn sem trúnaðarmál. Skólinn sendir í pósti svarbréf vegna allra umsókna. Nemendur sem teknir verða inn í skólann þurfa að staðfesta skólavist með greiðslu fyrir lok júní; upphæð sem er 1/3 hluta af skólagjöldum fyrstu annar.

Við lokaval úr umsóknum eru eftirfarandi þættir skoðaðir:

Skissubækur: Þróun skissuvinnu, myndmál, fjölbreytni, magn.

Teikning: Teiknifærni, formskyn, framsetning myndverka á ljósmyndum, fjölbreytt þrívíddarvinna.

Viðtal: Viðtal er mikilvægur þáttur í endanlegu vali nýnema og reynt er að tala við alla umsækendur.

Nánari upplýsingar veitir Ólöf Erla Bjarnadóttir deildarstjóri, keramik@mir.is
Fyrir umsækjendur sem vilja fá námsráðgjöf er hægt að senda póst á namsrad@mir.is