Almenn námskeið

Við Myndlistaskólann í Reykjavík er boðið upp á grunn- og framhaldsnámskeið á ýmsum sviðum sjónlista; teikningu, módelteikningu, málun, keramik o.fl. Flest námskeiðanna eru ein önn að lengd, kennd einu sinni í viku. Námskeiðin eru ætluð nemendum 16 ára og eldri og eru þau flest metin til eininga innan framhaldsskólakerfisins.

Námskeiðin eru styrkhæf hjá flestum fræðslusjóðum stéttarfélaga en nánari upplýsingar um slík réttindi fást hjá viðkomandi stéttarfélagi. Hægt er að skipta námskeiðsgreiðslum í þrjá hluta fyrir eina önn. Veittur er 10% fölskyldu-/systkinaafsláttur og 20% afsláttur fyrir framhaldsskólanema. Nánari upplýsingar um greiðsludreifingu og afslætti fást á skrifstofu skólans.

Námskeiðaþrenna
Myndlistaskólinn í Reykjavík býður upp á samfellt nám í kvöldskóla fyrir fólk sem hefur hug á að fara í framhaldsnám í myndlist, hönnun, arkitektúr eða öðrum tengdum greinum en hefur ekki tök á að sækja undirbúningsnám í dagskóla. Nánari upplýsingar um námskeiðaþrennu.

Skráning á námskeið haustið 2017 hefst fimmtudaginn 10. ágúst.

Námskeið

SKRÁNING OG GREIÐSLA Númer Heiti námskeiðs Kennari Kennslutími Upphafsdagur vorannar Lokadagur vorannar Staða Flokkur
Fara á skráningarvef 220803 Vatnslitun tilraunir - hádegistímar Sigtryggur B. Baldvinsson kl. 12.00-14.45 fimmtudagur, 12 janúar, 2017 fimmtudagur, 27 apríl, 2017 skráningu lokið Málun