Teikning er undirstaða allra sjónlista. Hún er tæki til að greina form og hlutföll, rúmtak og byggingu hluta og skilja fjarvídd. Hún dýpkar skilning nemenda á umhverfinu og gerir þeim kleift að setja hugmyndir sínar fram á sjónrænan hátt. Við deildina er boðið upp á röð námskeiða þar sem nemandinn fær kennslu og þjálfun í teikningu. Tveir fyrstu áfangarnir eru undirstöðuáfangar undir allt annað nám við skólann. Á framhaldsnámskeiðunum fjölgar viðfangsefnum nemandans og frelsi til persónulegrar tjáningar eykst. Námskeið í módelteikningu hafa alltaf verið fjölsótt og eru mismunandi námskeið í boði eftir aðstæðum m.a. portretteikning, framhaldsáfangar þar sem farið er í mótun mannslíkamans í leir og fleira.

Afslættir, styrkir og greiðsludreifing
Námskeiðin eru styrkhæf hjá flestum fræðslusjóðum stéttarfélaga. Veittur er 10% fölskyldu-/systkinaafsláttur og 20% afsláttur fyrir framhaldsskólanema sem sækja almenn námskeið. Hægt er að skipta námskeiðsgreiðslum í þrjá hluta fyrir eina önn og sex hluta fyrir allan veturinn. Nánari upplýsingar fást á skrifstofu Myndlistaskólans.