Kennsla fer fram tvisvar í viku á laugardögum kl.10:00-15:30 og þriðjudögum kl.17:30-20:20. Námskeiðið er góður grunnur fyrir þá sem ætla sér í frekara listnám en einnig fyrir þá sem eru með mikinn ljósmyndaáhuga og vilja auka kunnáttu sína. Námsefni er viðamikið, áhugavert og krefjandi.Farið í grunn hefðbundinnar filmuljósmyndunar. Nemendur taka myndir á svart/hvítar filmur og framkalla. Kennd er prentun mynda í myrkraherbergi og skoða nemendur myndirnar saman og ræða. Ítarlega er farið í myndbyggingu og stúdíóljósmyndun og skoðuð verk þekktra ljósmyndara. Kunnur ljósmyndari verður með kynningu á verkum sínum.Farið er í vettvangsferðir. Vakin er athygli á að Námskrárlýsing MYL-222 er að nokkru leyti úrelt og stendur til að endurskoða hana. Námslok miðast við 80% mætingu.

Kennsla fer fram tvisvar í viku á laugardögum kl.10:00-15:30 og þriðjudögum kl.17:30-20:20. Námskeiðið er framhaldsnámskeið ætlað þeim sem lokið hafa fyrri áfanga í Ljósmyndun í Myndlistaskólanum eða hafa annað sambærilegt nám eða undirbúning. Námið byggist á myndatökum í vettvangsferðum og úrvinnslu mynda í myrkraherbergi. Farið verður ítarlega í myndbyggingu með markvissri þjálfun í myndatöku, myndskoðun og -greiningu. Í vettvangsferðum í laugardagtímum er lagt upp með ákveðin myndefna-markmið "skotmörk" að leiðarljósi s.s. arkitektúr eða landslag. Í mánudagstímum eru auk vinnu í myrkraherbergi, hvetjandi innlegg og kynningar og umræður um myndir nemenda og annara ljósmyndara. Námslok miðast við 80% mætingu.

Kennt er á mánudögum kl.17:30 - 20:20 og laugardögum kl.09.00 - 14:30Í fyrsta tíma er nauðsynlegt að nemendur komi með sína bestu ljósmynd til dagsins í dag, stafræna myndavél og einbeittan vilja til að bæta sig! Á námskeiðinu verður farið yfir helstu atriði stafrænnar ljósmyndunar og er markmið námsins að nemendur bæti við tæknilega kunnáttu og listræna getu. Í tæknilega hluta námsins verður nemendum kennt á stillingar á myndavélinni, hvernig á að hlaða niður myndum og vista og réttan hátt, hvernig megi “laga” myndir og vinna stafrænar skrár sem nýttar eru í mismunandi tilgangi (tölvupóstar, netvinnslu, skjávarpa og fleira) og farið verður í útprentun mynda. Skoðað verður hvernig nemendur geta notað ljósmyndir sem listrænan miðil – bæði sem stakar myndir þar sem myndbygging og sjónarhorn eru skoðuð og eins hvernig röð mynda getur sagt áhrifaríka sögu. Nemendur munu kanna, ræða og rannsaka stakar myndir og hvernig maður tekur betri myndir!Áfangamarkmið.Nemandi- hafi skilning á ljósmyndavinnslu í tölvu - kunni að taka myndir á ljósmyndavél við ólíkar aðstæður- kunni skil á áhrifum ljósops á skerpuvídd linsu á dýpt myndar- geti skilgreint samband á milli víddar linsu og dýpt myndflatar- kunni að stilla tökuhraða með tilliti til myndatöku- kunni að ganga frá ljósmyndum til sýningar og kynningar á stafrænu formi.- geri sér grein fyrir áhrifum mismunandi myndatöku og uppbyggingar myndar á merkingu ljósmyndar.Námslok miðast við 80% mætingu. 

Lýsing væntanleg. Kennt er á mánudögum kl.17:30 - 20:20 og laugardögum kl.09.00 - 14:30