Í boði eru grunn- og framhaldsnámskeið á ýmsum sviðum og miðast mæting oftast við eitt skipti í viku.

Við upphaf náms er öllum nemendum skólans ráðlagt að byrja á grunnnámskeiðum í teikningu en teiknikunnátta er undirstaða allrar frekari menntunar á þessu sviði. Námskeiðin eru ýmist eins eða tveggja anna.

Við námskeiðslok fær nemandinn staðfestingu um þátttöku sína og ástundun. Nám við skólann er í flestum tilvikum metið til eininga innan framhaldsskólakerfisins sé það stundað með fullnægjandi hætti en lágmarksmæting er 80%. Í kjölfar innleiðingar nýrra menntalaga stendur til að endurskoða áfangalýsingar Myndlistaskólans.